Search

ВИДЕО: Ѓоковиќ со критика до публиката на Вимблдон: ”Не можете да ме допрете”

Во понеделникот, Новак Ѓоковиќ го победи Холгер Рун и се пласираше во четвртфиналето на шампионатот на Вимблдон во 2024 година. Но, според Ѓоковиќ, натпреварот имал помалку од идеални услови поради непочитта од публика.

Во текот на натпреварот, Руне доби голема поддршка од публиката, добивајќи скандирања „Руна“ во поголемиот дел од натпреварот.

Ѓоковиќ навидум ги помеша скандирањата за Руне како исвиркувања за него, и ја изрази својата фрустрација од навивачите во интервјуто после натпреварот.

„До сите навивачи кои имаат почит и кои останаа овде вечерва: Ви благодарам многу од се срце. Го ценам тоа. И до сите оние луѓе кои избраа да не го почитуваат играчот, во овој случај мене. Имајте добра ноќ. Добра ноќ. Многу добра ноќ“, рече Ѓоковиќ, имитирајќи ги скандирањата.

Интервјуерот потоа се обиде да го убеди Ѓоковиќ дека скандирањата на толпата навидум биле повеќе за поддршка за Руне а не исвиркувања за него, а Ѓоковиќ не се согласи со тоа.

„Не го прифаќам тоа. Знам дека пееја за Руне. Но, тоа е изговор и за исвиркување. Јас сум на турнеја повеќе од 20 години. Затоа верувајте ми, ги знам сите трикови. Знам како функционира.
Во ред е. Се фокусирам на луѓето кои имаат почит, кои платиле билет за натпреварот вечерва и го сакаат тенисот. И ценете ги играчите и трудот што тие го вложуваат овде. Сум играл во многу понепријателски средини. Верувај ми, не можете да ме допрете“- изјави Ѓоковиќ за дел од публиката што навиваше за Руне.

Извор: https://awfulannouncing.com/tennis/novak-djokovic-disrespectful-wimbledon-crowd-post-match-interview.html

Најново

Последни колумни