Студентските колони што со денови пешачеа од неколку правци низ Србија вечерва пристигнаа во Белград, каде што илјадници граѓани ги пречекаа со аплаузи, црвен тепих и музика. Студентите влегоа во градот во три организирани правци, носејќи го граѓанскиот бунт од внатрешноста директно во престолнината. Овој маратонски марш е вовед во завршниот собир на Студентската листа закажан за утре на плоштадот Славија, непосредно пред парламентарните избори на кои анкетите првпат покажуваат речиси израмнети сили со власта.
Колоните пешаци што тргнаа од различни градови во Србија стигнаа до главните влезни точки на Белград. Дел од учесниците поминаа покрај трговскиот центар Ада Мол на Чукарица, додека други групи се упатија директно кон Студентски трг. Покрај пешаците, на одредени делници кон градот се приклучија и земјоделци со трактори.
Doček Zapadne kolone ja ulasku u Beograd! https://t.co/rRlxii1XGG
— Kreni-Promeni (@KPromeni) October 21, 2026
На улиците ги пречекаа насобрани граѓани со храна, вода, транспаренти и црвен тепих. Атмосферата на плоштадите и булеварите помина со огласување на автомобилски сирени и хорско пеење на песната „Freed from Desire“, која стана симбол на студентските блокади изминатите месеци.
Овој марш покажа промена во тактиката на протестното движење, кое настана по падот на настрешницата на железничката станица во Нови Сад на 1 ноември 2024 година, каде што загинаа 16 луѓе. Наместо протестот да остане затворен во аулите на факултетите или ограничен на повремени собири во центарот на градовите, пешачењето од место во место воспостави директен контакт со луѓето во помалите населби и села.
Građani i studenti koji pešače ka Beogradu, ka Studentskom trgu, sve su bliži cilju. Kolona iz zapadne Srbije stigla je do TC Ada Mola gde im je priređen prvi doček. Građani se već uveliko okupljaju na Studentskom i Trgu republike gde će večeras biti organizovan glavni doček. https://t.co/Jc2TNHZI5c
— N1 Beograd (@n1srbija) October 21, 2026
Ваквиот начин на граѓанско самоорганизирање носи јасна порака и за регионот. Додека институциите честопати остануваат глуви за системската одговорност и корупцијата, отпорот што гради солидарност на терен, преку понуден оброк, сместување или чекор рамо до рамо, покажува како автентичниот граѓански притисок успева да ги надмине партиските апарати.
Завршниот собир на студентската листа „Студенти победуваат“ е најавен за четврток во 18 часот на плоштадот Славија. Ова ќе биде последна голема јавна манифестација пред изборниот молк и гласањето закажано за три дена.
Pogledajte atmosferu dočeka studenata kod Ada Mola 👇 https://t.co/ECOOYgxuvV
— N1 Beograd (@n1srbija) October 21, 2026
Според најновата анкета објавена пред два дена, разликата меѓу водечките опции е во рамки на статистичка грешка. Студентската листа бележи поддршка од 44,5 проценти од определените гласачи, додека листата предводена од владејачката Српска напредна странка има 42,7 проценти. Ова се први парламентарни избори во последните дванаесет години каде што опозициското движење предводено од млади влегува со минимална предност пред денот на гласањето.
