Американскиот претседател Доналд Трамп одби да ја напушти бината откако Шпанија го освои трофejот во синоќешното финале на стадионот МетЛајф во Њу Џерзи, по победата над Аргентина во финалето. Претседателот на ФИФА, Џани Инфантино, мораше да претрча преку сцената за да го тргне настрана, за играчите да прославуваат сами.
Шпанија ја победи Аргентина со 1:0 во финалето на Светскиото првенство на стадионот МетЛајф. Феран Торес влезе од клупата и го постигна погодокот во 106-тата минута од продолженијата, откако Нико Вилијамс со глава ја спушти топката до него. Аргентина, водена од Лионел Меси, остана без ниту еден шут во продолженијата.
Trump just refusing to leave when they’re lifting the trophy.
— Out of Context Football Manager (@nocontextfm1) July 19, 2026
Infantino desperately trying to get him to move.
Circus. pic.twitter.com/JABUGKUWXm
По церемонијата на медали, Трамп му го врачи трофejот на капитенот Родри. Наместо да им остави простор на играчите за нивниот момент, Трамп остана на бината со нив. Инфантино мораше да претрча преку платформата за да стигне до американскиот претседател и да му сугерира да се тргне, за да може шпанските играчи да прослават.
Слична сцена се случи и на финалето на Светското клубско првенство, кога Челзи го победи ПСЖ на истиот стадион пред една година. Тогаш Инфантино се обиде да го одведе Трамп од бината додека Рис Џејмс го креваше трофejот, но претседателот остана. Трамп тогаш непријатно позираше за фотографии меѓу играчите и функционерите, сè додека Инфантино не го премести на помалку истакнато место.
Пред финалето, безбедносните мерки на стадионот беа зголемени поради присуството на Трамп. Публиката го пречека со свирежи уште за време на химните, а истата реакција се повтори кога 80-годишниот претседател излезе на теренот пред церемонијата.
Abucheos y silbidos generalizados para Trump al entrar al campo de juego pic.twitter.com/1QeFt647ME
— Soledad Gimenez (@gisoleok) July 19, 2026
