Светските мориња во јули годинава достигнаа највисоки температури досега забележани за овој месец, потврдија научниците. Просечната температура на површината на морето надвор од поларните региони го надминала претходниот рекорд поставен во 2023 година.

За време на силниот топлотен бран што ја погоди Западна Европа, рекордни јулски температури на површината на морето биле регистрирани долж атлантскиот брег, во западниот дел на Средоземното Море и во други европски мори, покажуваат податоците на европската служба за климатски промени „Коперникус“.

Истовремено, Западна Европа го забележала најтоплиот период јуни–јули откако се вршат мерења.

Екстремно високите температури придонесоа и за услови погодни за ширење на шумските пожари, кои во текот на летото зафатија големи делови од Медитеранот.

Рекордно топлите мори се уште еден показател за екстремните климатски услови што годинава ја погодуваат Европа и други делови од светот.