Студентите кои со месеци ги предводат противвладините протести во Србија му упатија ироничен одговор на српскиот претседател Александар Вучиќ. По неговите изјави во кои потенцијалните кандидати на студентската листа ги нарече паразити на државен трошок, младите активисти му порачаа дека е грешка, бидејќи на листата го нема него.

Српскиот претседател Александар Вучиќ упати остри критики кон студентското движење што со месеци предводи противвладини протести низ Србија. Вучиќ ги нарече кандидатите на студентската изборна листа „паразити на државните јасли“, обидувајќи се да го намали влијанието на нивните општествени барања.

Студентите на тоа одговорија со иронична порака до шефот на државата. Тие му порачаа на дека тој воопшто не се наоѓа на нивната листа, пренесувајќи реакција која брзо се прошири во јавноста.

„Ама претседателе, вие не сте на листата“, гласеше реакцијата на студентите, со која го исмеаја обидот на власта да ги дискредитира нивните барања и активности.