Spike Fcuk ќе настапи на 10 ноември 2026 година во КОТУР во Скопје, во организација на Plisskën и Drugastrana.events. Настапот доаѓа по датумот најавен за објавување на неговиот деби-албум „Evidence“, 2 октомври.

Организаторите го претставуваат како мистериозна фигура која се повлекла непосредно пред очекуваниот пробив, оставајќи зад себе гласини и култен статус. Во нивната најава, изминатата деценија ја опишуваат како период во кој Spike бил „повеќе мит отколку музичар“.

Spike Fcuk во Скопје со музички спој на жанрови

„Evidence“ е претставен како албум инспириран од новиот бран, глам, соул и ду-воп музиката.

Како музички насоки за публиката ги наведуваат Pere Ubu, New York Dolls, The Temptations и Bettye Swann. Овие имиња се препорака за слушателите на кои би можел да им се допадне неговиот звук.