Спасувачките екипи во хидроцентрала во Непал испраќаат храна во тунел низ дупки ископани од машини, додека бараат евентуални преживеани внатре.

Повеќе од 930 работници се водат како исчезнати во разни хидроенергетски проекти во поплавената зона во Непал.

На проектот Тришули-3А, спасувачите работеа цела ноќ обидувајќи се да воспостават контакт со секој што можеби се наоѓа во тунелите на проектот – кои се протегаат повеќе од четири километри според документите од Непалската електроенергетска управа.

„Во последно време, беа создадени две дупки за испраќање кислород, светлина и храна“, изјави Мохан Шакја, портпарол на Министерството за енергетика, водни ресурси и наводнување, во недела наутро.

„Во тек се напори за спасување на луѓето со пробивање на тунелот од други патишта. Испраќаме повеќе опрема за дупчење и експлозивни предмети.“ соопштија непалските власти.

Инаку, досега во несреќата загинаа над 700 лица, а неколку илјади се исчезнати.