По синоќешниот триумф на Франција над Мароко (2:0), вечерва од 21:00 часот следува второто четвртфинале на Светското првенство, во кое ќе се сретнат Шпанија и Белгија. Натпреварот се игра во Инглвуд, а победникот ќе обезбеди место меѓу четирите најдобри селекции и ќе игра против Французите.

И двете репрезентации досега се непоразени на турнирот. Шпанија во првите пет натпревари забележа четири победи и едно реми, без примен гол (гол-разлика 9:0), додека Белгија има три победи и две ремија.

Очекувани состави

Шпанија:
Симон – Поро, Кубарси, Лапорт, Кукуреља – Родри, Педри – Ламин Јамал, Олмо, Баена – Ојарсабал.

Белгија:
Куртоа – Кастање, Нгој, Мехеле, Де Кујпер – Раскин, Ванакен, Тилеманс – Доку, Де Кетеларе, Тросар.

Кој ќе недостасува?

Шпанија најверојатно нема да може да смета на Јереми Пино, додека настапот на Нико Вилијамс останува неизвесен. Кај Белгија сигурно ќе отсуствува Амаду Онана, а дефанзивецот Зено Дебаст нема да настапи поради одлука на неговиот клуб.

ФИФА за главен судија го назначи Англичанецот Мајкл Оливер, а во ВАР-собата ќе биде и хрватскиот судија Иван Бебек, како прв помошен ВАР-судија. Победникот од вечерашниот дуел ќе ѝ се спротивстави на Франција во полуфиналето, откако „триколорите“ вчера го совладаа Мароко со 2:0 и продолжија во борбата за нова светска титула.