Шпанија и Белгија вечерва од 21 часот во Инглвуд ќе го одиграат второто четвртфинале на Светското првенство 2026. Шпанците досега имаат импресивен учинок – четири победи и едно реми на пет натпревари, без примен гол и со гол-разлика 9:0.

Белгија, пак, останува непоразена на турнирот со три победи и две нерешени средби. Победникот од овој дуел во полуфиналето ќе се соочи со Франција, која во четвртфиналето го совлада Мароко со 2:0.

Стартни состави

Шпанија:

Симон – Поро, Кубарси, Лапорт, Кукуреља – Руиз, Педри – Јамал, Олмо, Баена – Ојарзабал

Белгија:

Куртоа – Кастанје, Нгој, Мехеле, Де Кујпер – Раскин, Де Брујне, Тилеманс – Доку, Де Кетеларе, Тросар

Кој недостасува?

За Шпанија неизвесни се настапите на Јереми Пино и Нико Вилијамс, додека Белгија ќе биде без Амаду Онана. Одбранбениот играч на Белгија, Зено Дебаст, исто така ќе го пропушти четвртфиналето.

Судија на натпреварот е Мајкл Оливер

Главен судија ќе биде Англичанецот Мајкл Оливер, а негови помошници се Стјуарт Бурт и Џејмс Мејнворинг. Во ВАР-собата ќе биде и македонскиот судија Иван Бебек, кој е назначен за прв помошен ВАР-судија. Главен ВАР судија ќе биде Англичанецот Џаред Гилет.

Натпреварот се игра на стадионот во Инглвуд, а директниот пренос е од 21 часот.