Претседателката на Молдавија, Maia Sandu, изјави дека лично би го поддржала обединувањето на нејзината земја со Романија, додека и романскиот претседател Nicușor Dan отворено ја поддржува оваа идеја. Прашањето за можно повторно обединување сè почесто се отвора во јавноста и политичките кругови.

Двајцата лидери неодамна привлекоа внимание со заедничко патување на меѓународен самит во Ерменија, што беше протолкувано како силна симболична порака за блиските односи меѓу двете соседни држави. Фотографијата објавена на социјалните мрежи предизвика бројни реакции и повторно ја актуелизираше темата за „унионизмот“.

Ова е првпат и во Молдавија и во Романија истовремено да има власти кои позитивно гледаат на можноста за обединување. Во минатото, повеќето молдавски претседатели се спротивставуваа на таквата идеја, додека во Романија само поранешниот претседател Traian Băsescu беше гласен поддржувач.

Маја Санду во последните месеци неколкупати јавно изјави дека би гласала „за“ на евентуален референдум за обединување. Нејзините ставови предизвикаа критики од дел од опозицијата во Молдавија, која ја обвини за нарушување на државните интереси.

Од друга страна, романскиот претседател Никушор Дан порача дека „Романија е подготвена“, нагласувајќи дека односите меѓу двете земји треба да се градат на рамноправност и заедничка иднина. И двајцата лидери се познати по нивната борба против корупцијата и реформските политики.