Во нуклеарната електрана Барака во Обединетите Арапски Емирати (ОАЕ) избувнал пожар откако објектот бил погоден со дрон, соопштија локалните власти. Засега нема информации кој стои зад нападот, иако постојат сомнежи насочени кон Иран, поради зголемените тензии во регионот.

Според официјалните информации, пожарот не предизвикал радиолошка опасност ниту штета врз клучните делови на електраната. Сите системи продолжуваат да функционираат нормално, а ситуацијата е ставена под контрола.

Електраната Барака, изградена во 2020 година со поддршка од Јужна Кореја, е еден од најголемите енергетски проекти во регионот и чинела околу 20 милијарди долари.

Официјален договор меѓу Абу Даби и САД, познат како „Спогодба 123“, предвидува ОАЕ да се откажат од домашно збогатување ураниум и преработка на искористено нуклеарно гориво, со цел да се намалат ризиците од нуклеарно вооружување.

Електраната се снабдува со ураниум од странство, а надлежните институции продолжуваат со мониторинг на состојбата по инцидентот.