Нафтените пазари повторно реагираа нервозно на новата ескалација меѓу САД и Иран. По нов американски напад врз Иран, цената на нафтата на меѓународните пазари се искачи над 100 долари за барел, во услови на страв дека кризата околу Ормускиот теснец може да продолжи и да го задржи притисокот врз глобалното снабдување со енергенси.

На лондонскиот пазар, барел нафта попладнево се тргувал по цена од 100,35 долари, што е за 4,21 долар повеќе во однос на претходното затворање на тргувањето. На американскиот пазар, пак, цената изнесувала 94,36 долари за барел, при што вчера американските пазари беа затворени поради празник.

Ормускиот теснец повторно е точката што ги крева цените и нервозата на пазарите. Секој нов напад во регионот веднаш се чита како ризик за снабдувањето со нафта, особено додека траат неизвесностите околу разговорите меѓу САД и Иран.

Ако тензиите продолжат, цената на нафтата може повторно да стане директен удар врз горивата, транспортот и пошироките трошоци за живот. Во превод, новиот напад врз Иран веќе не е само воена вест, туку сигнал што пазарите веднаш го пресметуваат во долари за барел.