Од Управата за хидрометеоролошки работи најавуваат променливо облачно и нестабилно време, на повеќе места со пороен дожд, грмежи и засилен северен ветер со брзина над 50 километри на час.

Локално, атмосферските процеси ќе бидат поинтензивни и може да преминат во невреме, проследено со пообилен пороен дожд, грмежи, силен ветер над 60 километри на час и услови за изолирана појава на град.

Во Скопје се очекува променливо облачно и нестабилно време со пороен дожд и грмежи. Во делови од котлината ќе има услови за краткотрајно невреме со интензивен дожд, грмежи и засилен ветер.

Граѓаните се советуваат да бидат внимателни, особено при движење на отворено и во сообраќај, поради можни силни налети на ветер, намалена видливост и локални врнежи со поголем интензитет.