Првото место му припадна на унгарскиот Парламент во Будимпешта.

Сместена на карпа над Охридското Езеро, Канео е македонскиот претставник во изборот што ги спојува средновековните замоци и историските палати со современата архитектура. Станува збор за уредничко рангирање според вкусот на авторите на порталот, a се однесува на 2026 година.

Зад унгарскиот Парламент се палатата Белведере во Виена и замокот Шијон на Женевското Езеро во Швајцарија. Првите пет ги заокружуваат опатијата Кајлмор во Ирска и фонтаната Треви во Рим, што покажува дека изборот опфаќа и знаменитости кои не се класични згради.

Од регионот, највисоко е рангирана кулата „Аваз Твист“ во Сараево, на седмото место. Диоклецијановата палата во Сплит е 19-та, Рилскиот манастир во Бугарија е 20-ти, а храмот „Свети Сава“ во Белград е на 26. место.

Русија, Белорусија и Украина не се вклучени во изборот, според објаснувањето на порталот, поради војната во Украина.