Младинскиот културен центар во среда, на 11 ноември 2026 година, од 18:00 часот ќе биде домаќин на презентацијата на процесот од истражувачката резиденција „Другиот споменик“. Настанот е дел од есенската едиција на Перформанс Платформа Фестивал (ППФ) во организација на „Локомотива“ – Центар за нови иницијативи во уметноста и културата. Влезот за сите посетители е слободен, а веднаш по изведбата ќе се одржи отворена дискусија со авторите и публиката.

Истражувачка резиденција за идниот проект „Другиот споменик“ – перформативна инсталација што ги истражува јавните простори, животната средина и јавниот проект „Скопје 2014“, во кој доминираат машки историски фигури.

Резиденцијата ги преиспитува моќта, видливоста и родовите претставувања во јавните простори во Скопје, предлагајќи алтернативни „живи не-споменици“ што ги оспоруваат статичките, херојски претставувања, а во центарот ги ставаат маргинализираните телесни искуства на лицата со попреченост, транс-лицата и жените.

Изведувачите го истражуваат движењето преку подвижни постаменти и трансформација на инвалидски колички во подвижни платформи, ставајќи ги во преден план грижата, ранливоста и секојдневната издржливост.

Креативниот тим го предводи кореографката Рене Шадлер, која го потпишува концептот на резиденцијата. Во танцот и коавторството учествуваат домашните авторки Марија Савеска и Дени Жерновска, заедно со меѓународните соработници Емил Ертл и Сороа Леар, додека за сценографијата е задолжен Камиј Лакаде.

Проектот се реализира со поддршка од програмата Culture Moves Europe, финансирана од програмата „Креативна Европа“ на Европската Унија, а имплементирана преку Гете-институт. Заинтересираните медиуми можат да договорат изјави и интервјуа преку официјалниот контакт на организацијата: lokomotivaskopje2015@gmail.com и телефонскиот број 071 210 563.