Македонија денес ќе има сончево и топло време, со мала до умерена облачност во претпладневните часови. Во текот на денот ќе се развива нестабилна облачност, па особено во попладневните и вечерните часови на повеќе места се очекува локален пороен дожд, грмежи и засилен ветер.

Според прогнозата на Управата за хидрометеоролошки работи (УХМР), локално процесите ќе бидат поинтензивни, со краткотрајно невреме, пообилни врнежи и силни налети на ветер.

Максималната дневна температура ќе се движи од 28 до 36 степени, при што најтопло ќе биде во југоисточните и Повардарските делови од земјата. И AccuWeather прогнозира дека времето ќе остане топло, но нестабилно, со зголемени услови за развој на попладневни грмежливи облаци, особено во западните и северните региони.

Во Скопје времето ќе биде претежно сончево и топло, а попладне во делови од котлината е можна краткотрајна нестабилност со дожд и грмежи. Температурата ќе достигне околу 35 степени. Метеоролозите препорачуваат граѓаните кои планираат престој на отворено во попладневните часови да ја следат временската прогноза, бидејќи локално се можни интензивни врнежи, грмежи и засилен ветер.