Жителите од дел од улицата „Ѓорги Капчев“ во населбите Горно Лисиче и село Лисиче денеска од 11:00 часот се соочуваат со прекин во снабдувањето со вода. Причината за прекинот е уличен дефект на водоводна мрежа на самата улица.

Од јавното претпријатие „Водовод и канализација“ – Скопје соопштија дека нивните дежурни екипи се на терен за отстранување на уличниот дефект на водоводната линија лоцирана на оваа сообраќајница.

Според известувањето од претпријатието, чешмите на корисниците во овој дел од скопската населба ќе останат суви сè додека целосно не завршат работните активности за санирање на дефектот.