Компирот важи за една од најсестраните и најиздржливите намирници во домаќинството, бидејќи може да се чува со недели, па дури и месеци, доколку се обезбедат соодветни услови. Сепак, начинот на складирање има клучна улога во неговата свежина и квалитет.

Стручњаците истакнуваат дека една од најчестите грешки е чувањето на компирот на светло или на премногу топло место. Во такви услови, компирот побрзо почнува да никне и да ја менува структурата, што влијае на неговиот вкус и квалитет. Најдобро е да се чува на темно, суво и проветрено место, со пониска температура.

Дополнително, експертите предупредуваат дека миењето на компирот пред складирање може да биде штетно, бидејќи влагата ја забрзува појавата на мувла и расипување. Наместо тоа, се препорачува да се чува во природна состојба, а да се мие непосредно пред подготовка.

Исто така, важно е компирот да има добра циркулација на воздух. Чување во пластични кеси или затворени садови може да го забрза неговото расипување, додека мрежести кеси, картонски кутии или корпи се многу подобар избор.

Експертите советуваат и редовна проверка на залихите, при што расипаните или никнати компири треба веднаш да се отстранат за да не ја загрозат останатата количина.