На граничниот премин Батровци – Бајаково, на излез од Србија кон Хрватска, патничките возила денеска чекаат околу четири часа.

Според информациите, колоната автомобили е долга околу 5,5 километри, а станува збор за еден од најфреквентните гранични премини меѓу Србија и Хрватска.

За викенд се очекуваат уште поголеми гужви

Се очекува за време на викендот метежот на овој граничен премин да остане ист или дополнително да се зголеми.

Батровци – Бајаково е еден од најкористените правци за патници кои од Србија продолжуваат кон Хрватска и земјите од Европската Унија, особено во летниот период кога е зголемен сообраќајот поради туристички патувања и враќање на иселеници.

Новиот систем на ЕУ дополнително го забавува преминот

Од април почна примената на Системот за влез и излез од Европската Унија, биометриски систем кој го замени печатирањето на пасошите.

Патниците оценуваат дека токму оваа промена дополнително влијае врз создавањето километарски колони, вклучувајќи ја и денешната гужва на преминот Батровци.