ЈСП Скопје информира дека на 25 и 26 април жичарата ќе биде привремено надвор од употреба поради проширени технички контроли.
Жичарата на Водно ќе биде привремено надвор од употреба за време на викендот, односно на 25 и 26 април 2026 година, информираат од ЈСП Скопје.
Од претпријатието појаснуваат дека прекинот е поради редовни, но проширени технички контроли. Контролите ќе ги изведуваат специјализирани екипи од австриската компанија „Допелмаер“.
Според ЈСП, проверките се прават со цел да се обезбеди максимална безбедност и сигурност во работењето на жичарата.
Надлежните им се заблагодаруваат на граѓаните за трпението и разбирањето и апелираат навреме да ги планираат своите активности, имајќи го предвид прекинот во функционирањето.
