Во организација на Health Hub и Канцеларијата на претседателот Стево Пендаровски, се одржа панел дискусија за улогата на жените лидерки во медицината кои со својот секојдневен придонес го унапредуваат не само здравјето на жената, туку и севкупниот здравствен систем.
На дебатата говореа шест исклучителни жени кои својата кариера ја градат во медицината и со нивната активност секојдневно ги поместуваат границите, како во медицината така и во општеството. Др Калина Гривчева Старделова, др Маја Мојосва Мијсова, Др Елена Шукарова-Ангеловска, др Александра Грозданова, др Марија Вавлукис и др Мерал Реџепи со нивната работа поставија нови стандарди во медицната и се пример за идните генерации жени лидерки во јавното здравство. Тие се залагаат за иницијативи за решавање на родовите разлики во медицинските истражувања, менторството и лидерските позиции. Токму нивната активност во полето на имунизацијата, трансплантацијата, кардиологијата, гинекологијата и генетиката, покажаа огромен успех и поместувања какви до сега не се постигнати.
