Земјотрес со магнитуда од 5,7 степени според Рихтеровата скала утрово е регистриран во Јапонија, соопшти Европско-медитеранскиот сеизмолошки центар (EMSC). Според првичните податоци, епицентарот бил во близина на архипелагот Изу, во отворено море, на длабочина од околу 10 километри.

Надлежните служби соопштија дека во моментов нема извештаи за повредени лица или за материјална штета предизвикана од потресот. Земјотресот бил почувствуван во поширокиот регион, но засега не се пријавени посериозни последици.

Јапонските метеоролошки и сеизмолошки служби не издадоа предупредување за опасност од цунами по земјотресот. Јапонија се наоѓа на Пацифичкиот „Огнен прстен“, едно од најсеизмички активните подрачја во светот, каде што често се регистрираат земјотреси со различен интензитет. Надлежните институции продолжуваат да ја следат состојбата и евентуалните последователни потреси.