Македонија викендов ќе биде под влијание на стабилна, сува и топла воздушна маса од југ, со сончево време и пролетни температури.
Македонија за време на викендот, сабота и недела, 25 и 26 април 2026 година, ќе биде под влијание на стабилна, сува и топла воздушна маса од југ. Времето ќе биде сончево и топло, со мала до умерена локална облачност.
Особено во недела, 26 април, во Повардарието и во источните делови од земјава повремено ќе дува засилен ветер од северен правец.
Во Скопје и околината викендов времето ќе биде претежно сончево и топло, со мала до умерена локална облачност. Повремено засилен северен ветер се очекува особено во недела.
Утринските температури ќе бидат значително повисоки и речиси насекаде ќе бидат над нулата. Во текот на денот температурите ќе бидат вистински пролетни и во поголем дел од Македонија ќе надминат 20 степени.
Во Повардарието и во југоисточните делови од земјава температурите ќе надминат 25 степени.
Во Скопје и околината дневната температура исто така ќе надмине 25 степени, особено во недела, 26 април.
