Првомајскиот викенд ќе помине со посвежо и променливо облачно време, со сончеви периоди, но и со услови за повремен локален дожд, особено во јужните делови од земјата. Според прогнозите на УХМР, до недела ќе се задржи нестабилно време, па активностите на отворено ќе треба да се планираат повнимателно.
Денеска времето ќе биде променливо облачно и посвежо, со умерен, а наместа повремено засилен ветер од северен правец. Минималните температури се движат од -1 до 6 степени, а максималните од 9 до 16 степени.
Во Скопје ќе биде променливо облачно со сончеви периоди. Ќе дува умерен северен ветер, кој во делови од котлината повремено ќе засилува, а чувството на посвежо време ќе биде поизразено во утринските и вечерните часови.
Метеоролозите најавуваат дека слични услови ќе се задржат и за време на викендот, со повремени локални врнежи од дожд и посвежи температури. Затоа, покрај скарата, овој викенд на многумина ќе им треба и чадор.
