На 6 јуни од 20:00 часот, во просторот ДНЕВНА во Скопје, ќе се одржи вечер на поезија посветена на роденденот на Александар Пушкин. Настанот комбинира поезија, музика, дружење и тематска гастрономска понуда во пријатна и неформална атмосфера.

Посетителите ќе имаат можност да слушаат или да рецитираат поезија – своја или од други автори – и да учествуваат во заедничка читачка вечер со музички импровизации, инспирирана од духот на класичната литература.

Посебен дел од програмата е предизвикот за учесниците: секој што ќе изрецитира напамет дело од Пушкин ќе добие „Пушкински сет“, кој вклучува парче пита-пирог со јаболка и чаша вино.

Настанот има отворен и некомерцијален карактер, со цел да поттикне креативно изразување и заедничко уживање во поезијата и музиката. За учество во рецитирање или музички настапи потребна е претходна пријава преку порака.