Во јуни годинава Македонија ја посетиле 113.436 туристи, кои оствариле вкупно 221.608 ноќевања, покажуваат најновите податоци на Државниот завод за статистика.

Поголемиот дел од гостите биле странски туристи. Тие учествувале со 77,2 отсто во вкупниот број , додека домашните туристи сочинувале 22,8 проценти.

Странските туристи доминираат и кај ноќевањата

Слична структура има и кај ноќевањата. Од вкупниот број ноќевања во јуни, 70,8 отсто ги оствариле странски туристи, а 29,2 отсто домашни гости.

Најбројни меѓу странските гости, се од Турција, со 24.570 посетители. По нив следуваат посетителите од Србија со 8.522, Германија со 4.396 и Бугарија со 3.207 посетители.

Благ пад во првата половина од годината

И покрај силниот јунски број на странски гости, податоците за првата половина од 2026 година покажуваат благ пад на туристичкиот промет.

Во периодот јануари – јуни, вкупниот број туристите е намален за 0,5 отсто во споредба со истиот период минатата година.

Бројот на домашни гости е намален за 3,1 отсто, додека кај странските е регистриран раст од 0,3 проценти.

Помалку ноќевања од лани

Намалување е забележано и кај ноќевањата. Вкупниот број ноќевања во првите шест месеци од годинава е понизок за 1,5 отсто.

Кај домашните гости падот изнесува 3,3 проценти, а кај странските 0,7 отсто.

И покрај вкупниот пад во првата половина од годината, странските туристи имаат доминантно учество во туристичкиот промет, а Турција останува најзначаен извор на странски гости во јуни.