Три пожари на отворен простор остануваат активни во Македонија, информира Центарот за управување со кризи во последниот пресек на состојбата за 31 јули.
Активни пожари има на градската депонија во Делчево, на депонијата во Валандово, каде што е зафатена и нискостеблеста шума, како и кај струшкото село Делогожда, каде што горат депонија и ниска вегетација.
Според ЦУК, до 18 часот ниту еден од трите активни пожари не бил ставен под контрола.
Девет пожари се изгаснати
Во текот на денот биле изгаснати девет пожари:
- Кај селото Сарамзалино во Општина Лозово – ниска вегетација;
- Меѓу Ваксинце и Слупчане во Општина Липково – стрниште;
- Кај наплатната рампа Тетово–Гостивар – ниска вегетација;
- Кај фирмата „Интер Фантази“ во Тетово – ниска вегетација;
- Кај селото Лешница во Општина Желино – ѓубриште;
- Кај селото Златари во Општина Ресен – ниска вегетација и отпад;
- Кај селото Градец во Општина Валандово – нискостеблеста шума;
- Во Градско – овоштарник и стара куќа;
- Кај селото Оризари во Општина Чучер-Сандево – ниска вегетација и ѓубриште.
Високите температури и сувата вегетација дополнително го зголемуваат ризикот од брзо ширење на пожарите. Надлежните апелираат граѓаните веднаш да пријават забележан чад или оган и да не палат отпад или стрништа на отворено.
