Горниот степен на ракетата Старшип на СпејсИкс продолжува да плута во Индискиот Океан, пет дена по успешното тестирање на 24 јули. Фотографијата што ја објави компанијата го прикажува 52-метарскиот ракетен дел речиси целосно над водата крај брегот на Западна Австралија, по неговото досега најмеко слетување во рамките на мисијата Лет 13.

Во рамки на мисијата Лет 13 одржана на 24 јули, ракетата Старшип Верзија 3 со вкупна висина од 124 метри лансираше нова серија сателити Старлинк од следната генерација. По одвојувањето од засилувачот Супер Хеви, горниот степен изведе суборбитална патека и контролирано се спушти во океанските води.

Splashdown confirmed! Congratulations to the entire SpaceX team on the 13th flight test of Starship! pic.twitter.com/g27YJCQgiN

— SpaceX (@SpaceX) July 24, 2026

Снимките од возилото и од сателитите потврдија дека ракетниот дел се приземји со минимални оштетувања. За разлика од претходните тестови каде деловите брзо тонеа или се распаѓаа при ударот, овојпат оштетениот од триењето, но целиот 52-метарски степен остана да плута. Со тоа СпејсИкс доби можност дополнително да го снима и анализира возилото одблизу.

Визијата на СпејсИкс предвидува ракетата да биде целосно и брзо употреблива повторно, со подготовка за нов лет за само неколку дена. Сепак, инженерите сè уште се соочуваат со технички пречки, пред сè во трајноста на топлинскиот штит што треба да ги издржи екстремните температури при враќањето во атмосферата.

Зачувувањето на структурата по слетувањето во Индискиот Океан е значаен чекор напред за инженерите. Тоа овозможува собирање на реални податоци од терен за тоа како материјалите ја поднесуваат океанската средина по претрпениот термален шок при влегувањето во атмосферата.