Неговите карти ја прикажуваат неделната распространетост на речиси 600 видови и се ажурираат секој ден со нови набљудувања, вклучително и од Македонија. Новата верзија беше претставена на 10 септември од Европскиот совет за попис на птици.

Корисниците можат да изберат вид и да го следат неговото движење низ континентот, но и истовремено да споредат два вида на анимирани карти. Податоците пристигнуваат од национални платформи на кои набљудувачите ги внесуваат своите записи.

Македонските набљудувања се вклучуваат преку ptici.mk, платформа што Македонското еколошко друштво ја пушти во употреба во 2024 година. Според друштвото, досега на неа се внесени над 50.000 записи, кои преку поврзувањето со европскиот портал стануваат дел од пошироката слика за распространетоста на птиците.

Европските карти се засноваат на 750 милиони записи собрани од 2010 година наваму, од кои 76 милиони се внесени во 2026 година. Во собирањето учествуваат повеќе од 200.000 доброволци. Проектот поврзува 52 орнитолошки и еколошки организации од 41 земја.

Освен за љубопитните набљудувачи, овие записи им служат и на истражувачите: со нив може да се следат сезонските промени и да се планира заштитата на важните подрачја и преселни патишта на птиците.