Месото од лабораториите ширум светот предизвика големи контроверзии и стана предмет на дебата. И додека некои го забрануваат ваквото месо, како што е случајот во Флорида, други го прифатија овој „тренд“ и сега Сингапур ја добива првата продавница во која ќе може да се купи месо одгледано во лабораторија.
Додека гувернерот на Флорида Рон Де Сантис ја бараше оваа забрана за да ја заштити индустријата за говедско месо, во Сингапур се продава пилешко одгледано во лабораторија, произведено од калифорниската компанија Good Meat.
Ова пилешко сега се продава во Huber’s Butchery во Сингапур, а покрај пилешките ќелии од лабораторијата, овој пилешки производ содржи и растителни протеини. Но, што точно е месото кое се одгледува во лабораторија, кое предизвикува дебата и контроверзии ширум светот?
Месо одгледувано од животински клетки
Месо одгледувано во лабораторија, култивирано месо или месо одгледувано во клетки – ова се три имиња, но всушност сите се исти – месо кое доаѓа од лабораторија, а не од стока или живинарска фарма. Оправдано се класифицира како месо бидејќи се одгледува од вистински животински клетки, а токму тоа го разликува од месото од растително потекло или таканаречените растителни протеински производи.
Поддржувачите на култивираното месо велат дека ова е добра работа бидејќи снабдувањето со храна во светот се намалува, а овие производи можат да бидат и похранливи и подобри за животната средина. Освен тоа, за да се произведе вакво месо, ниту едно животно не мора да страда и затоа овој вид месо станува се попопуларен во некои делови од светот.
