Рускиот претседател Владимир Путин објави дека руските сили го зазеле украинскиот град Свјатохирск, но демантот стигна директно од терен. Бригадниот генерал Андриј Билецки, заповедник на Третиот армиски корпус на Вооружените сили на Украина, објави видеоснимка од самото градско средиште. На снимката се гледа дека во градот нема руски сили, ниту борби на улиците каде што нормално се одвива цивилен сообраќај.
Видеото што го дистрибуираше украинскиот Центар за стратешко комуницирање (Стратком/Справди) започнува со исечок од изјавата на рускиот претседател. Во тој говор Путин тврди дека во изминатиот месец под руска контрола преминале 14 населени места, дека е заземена Козача Лопан, како и градот Свјатохирск.
In light of the Russian dictator claiming yet another fictitious military victory, Brigadier General Andriy Biletskyi, commander of Ukraine’s Third Army Corps, posted a video from Sviatohirsk, which Putin and his Defense Ministry declared “liberated” just days ago.
— SPRAVDI — Stratcom Centre (@StratcomCentre) September 7, 2026
There are no… pic.twitter.com/CBc35sg3Gm
Веднаш потоа, кадри го прикажуваат Билецки како стои на отворено во препознатлив дел од Свјатохирск. Во позадината минуваат цивилни возила, а градот функционира без знаци на окупација или присуство на руска пешадија.
Украинскиот генерал испрати директна порака до командата во Москва, повикувајќи ги официјалните претставници да престанат со пласирање невистини за напредувањето на фронтот.
„Сакам да му се обратам на рускиот воен и воено-политички врв. Руски војници овде нема, зар не? Скинете ги тие ваши кловновски носеви, тие шарени перики, немојте да испаѓате будали“, изјави Билецки во видеообраќањето.
Ова не е првпат Москва предвреме да прогласува заземање населени места во Донбас. Публикувањето на снимката служи како брз визуелен контрааргумент против тврдењата на Кремљ, со цел да се спречи ширењето на официјалниот руски воен наратив пред меѓународната јавност.
