Петтиот ден од студентските протести во Тирана резултираше со опасна ескалација на насилството и сериозен сомнеж за начинот на кој безбедносните сили се справуваат со кризата. По видеоснимките на кои се гледа како полицајци пукаат со сачмарки кон толпата пред Министерството за образование, властите суспендираа седум полициски службеници поради пречекорување на овластувањата. Додека револтот против корупцијата не стивнува, официјалниот биланс брои дури 1.067 уапсени лица и десетици повредени демонстранти и новинари.
🚨🇦🇱 TIRANA IS ON FIRE — AND EDI RAMA’S POLICE HAVE LOST CONTROL OF THE STREETS! 🔥 Smoke, flames, and chaos fill the scene as the confrontation escalates in Tirana. The students are standing their ground while Albania’s political crisis deepens. ✊️THE STATE HAS THE HELMETS, THE SHIELDS, AND THE TEAR GAS. THE STUDENTS HAVE THE COURAGE. 🇦🇱 YOU CAN TRY TO INTIMIDATE A STUDENT, BUT YOU CANNOT INTIMIDATE AN ENTIRE GENERATION THAT HAS HAD ENOUGH! #Albania #Tirana #StudentProtest
— Anonymous TV 🇺🇦 (@YourAnonTV) October 17, 2026
Најсериозниот инцидент за време на саботните судири се случи директно пред зградата на Министерството за образование. Видеоснимките на новинската агенција Ројтерс забележаа припадници на полицијата како нишанат и пукаат со пушка кон насобраната толпа, по што на асфалтот беа пронајдени гумени сачми.
Оружјето повреди неколку граѓани, но и двајца новинари на терен, оставајќи кружни траги и рани од ударите. Директорот на албанската полиција, Скендер Хита, на прес-конференција не ја негираше употребата на овие средства. Тој само наведе дека сите употребени полициски методи биле користени на ограничен начин.
Новинарите на терен забележаа и дека било нападнато амбулантно возило, а на социјалните мрежи се појавија и вознемирувачки видеа како со молотов коктел е запалена униформата на еден полицаец.
🇦🇱 Violent protests continue in Albania on Day 5. Protesters clashed with police in the center of Tirana as tensions continue to escalate. https://t.co/Ofo6Waq7px
— kos_data (@kos_data) October 17, 2026
Притисокот врз раководството на полицијата експресно резултираше со први дисциплински постапки. Седум полициски службеници веќе се суспендирани од должност и се соочуваат со истраги за непочитување на принципот на пропорционалност и злоупотреба на службената положба.
Овие мерки доаѓаат паралелно со масовни апсења низ главниот град. Според официјалните податоци што ги соопшти полицијата, досега се приведени вкупно 1.067 лица, од кои против 388 веќе е покрената кривична постапка. Големиот број уапсени сведочи дека кордоните сè потешко го одржуваат редот само со водени топови и солзавец, па посегнуваат по драконски мерки.
🚨 LIVE – Protests continue in Albania https://t.co/GaVA1HHin8
— Tirana Report (@Tirana_Report) October 17, 2026
Бранот незадоволство не се појави преку ноќ. Демонстрациите се поттикнати од студентскиот гнев поради лошите образовни стандарди, недостигот на работни места и системската корупција. Масло на огнот додаде и летното незадоволство на жителите од југот на Албанија, чие земјиште беше одземено за изградба на луксузен туристички комплекс поддржан од Џаред Кушнер, зет на Доналд Трамп. Селаните тогаш алармираа дека имотот им бил незаконски продаден преку лица поврзани со истраги за трговија со дрога.
Премиерот Еди Рама, кој минатата година го освои својот четврти мандат, категорично одбива да поднесе оставка. Во јавно обраќање тој порача дека го почитува правото на протест, тврдејќи дека негов главен приоритет останува членството на Албанија во Европската Унија до 2030 година. Студентите на улиците, пак, одговараат дека чашата е прелеана по тринаесет години празни ветувања.
