Модерните лекови за слабеење значително ja трансформираа терапиjaта за дебелина, помагајќи им на многу луѓе да изгубат значителна тежина. Но овие лекови често доаѓаат со важен недостаток, можат исто така да ja намалат мускулната маса. Сега, истражувачи откриja биолошки механизам кој еден ден можеби ќе помогне во справувањето со тоj предизвик, додека истовремено ja зголемува способноста на телото да гори маснотии.
Научници од Институтот Ваjцман во Израел идентификувале протеин наречен MTCH2, со прекар „Mitch”, кој се чини дека игра клучна улога во тоа како клетките управуваат со енергиjaта и складираат маснотии. Во студиja обjaвена во научното списание EMBO Journal, тимот открил дека исклучувањето на овоj протеин кај човечки клетки го зголемува темпото со кое се согоруваат маснотии и jaглехидрати, додека истовремено го намалува формирањето на нови масни клетки.
Наодите се надоврзуваат на претходно истражување кај глувци, кое дало изненадувачки резултат. Животните на кои им бил исклучен Mitch во мускулите станале физички поспособни, развиле поголема издржливост, и биле забележливо отпорни на дебелина, без да ja изгубат мускулната маса. Пред неколку години, професорот Атан Грос и неговите колеги направиле неочекувано набљудување додека го проучувале Mitch, кога го потиснале создавањето на протеинот во мускулното ткиво на глувци, животните покажале големи подобрување во составот на телото. Глувците не само што избегнале дебелина, туку развиле и повеќе мускулни влакна, кои трошат големи количини кислород и се поврзани со подобрена издржливост и атлетски перформанси. Животните покажале и подобрена срцева функциja.
За да разберат зошто, истражувачите се свртеле кон митохондриите, ситните структури внатре во клетките кои произведуваат енергиja. Со генетски инженеринг, тимот го отстранил Mitch од човечки клетки. Без протеинот, митохондриите се распаднале на помали единици, правejки jа продукциjaта на енергиja помалку ефикасна. За да компензираат, клетките ja зголемиле потрошувачката на маснотии, jaглехидрати и амино-киселини за да ги задоволат своите енергетски потреби. За разлика од нормалните клетки, кои се потпираат првенствено на jaглехидрати и протеини, клетките без Mitch користеле маснотии како главен извор на гориво.
Студиjaта откри и уште еден важен наод. Кога Mitch бил отстранет од клетки-предвесници на маснотии, незрели клетки кои подоцна се развиваат во клетки што складираат маснотии, процесот на формирање масни клетки бил значително нарушен. Клетките немале доволно енергиja и не успеале да ги активираат гените потребни за диференциjaциja, што резултирало со намалено акумулирање маснотии. Научниците веќе забележале дека жени со дебелина обично имаат повисоки нивоа на Mitch, што делумно ги поттикнало да ja истражат неговата улога.
И покрaj ветувачките резултати, истражувачите нагласуваат дека наодите се засноваат на лабораториски студии кај човечки клетки и претходни истражувања кај глувци, не кај луѓе директно, и дека евентуален третман сепак е далеку од клиничка употреба.
