Полициската истрага против Ендру Маунтбатен-Виндзор, помладиот брат на кралот Чарлс Трети, ќе биде исклучително долга и комплексна, потврдија високи претставници на британските безбедносни сили. Како што пренесува Reuters, поранешниот принц, кој беше уапсен во февруари годинава под сомнение за сериозна злоупотреба на службената должност, се соочува со обвиненија кои вклучуваат корупција, оддавање доверливи државни информации, но и сексуална експлоатација. Овој скандал без преседан во модерната историја на кралското семејство дополнително се закомплицира откако полицијата започна да ги проверува и новите наводи за трговија со луѓе поврзани со озлогласениот починат американски педофил Џефри Епштајн.

Истрага со тежина на убиство и ризик од доживотен затвор

Оливер Рајт, помошник-началник на полицијата во Темс Вали, која ја води комплетната операција, им изјави на новинарите дека истрагата по секоја цена мора да биде темелна. „Ова нема да биде брза истрага во ниту еден случај“, нагласи Рајт, откривајќи дека специјализиран тим од најискусните детективи работи на случајот, третирајќи го со ист приоритет како истрага за убиство. Кривичното дело „злоупотреба на службена должност“, за кое се товари 66-годишниот член на кралското семејство, во британското законодавство е исклучително сериозно и со себе носи максимална казна доживотен затвор.

Трговија со луѓе и споделување државни тајни со Епштајн

Фокусот на полицијата е насочен кон периодот од 2001 до 2011 година, кога Ендру ја извршуваше функцијата специјален претставник на Велика Британија за трговија и инвестиции. Електронските пораки објавени од американското Министерство за правда (DOJ) сугерираат дека тој споделувал чувствителни државни информации со Епстин. Но, покрај економскиот криминал, полицијата сега ги проценува и наводите дека во 2010 година, млада жена била присилно донесена на имот во Виндзор за сексуални услуги. Нејзиниот адвокат за медиумите потврди дека таа била испратена во Британија директно од Епстин за сексуална средба со тогашниот принц.

Отворена врата за жртвите и меѓународна правна битка

Иако поранешниот принц Ендру, втор син на покојната кралица Елизабета Втора, упорно негира каква било вина и изразува само „каење за пријателството со Епстн“, неговиот молк по апсењето во февруари говори за сериозноста на ситуацијата. Британските инспектори во моментов тесно соработуваат со американското Министерство за правда за да ги добијат сите милиони новообјавени досиеја. Полицијата упати и јавен апел до сите преживеани жртви на мрежата на Епштајн да истапат без страв од медиумскиот притисок, ветувајќи им целосна заштита и дискреција во процесот што допрва ќе го тресе Бакингемската палата.