Денеска избувна пожар во Гази Баба, односно во истоимената парк-шума во Скопје, каде екипите на Противпожарната бригада на Град Скопје веќе интервенираат на терен. Граѓаните и објавите на социјалните мрежи алармираат дека огнот се наоѓа во непосредна близина на куќите и населеното место, додека од Дирекцијата за заштита и спасување потврдуваат дека екипите се мобилизирани за гаснење на пламенот.

Екипите на Противпожарната бригада на Град Скопје веќе се на терен и работат на локализирање на огнот што ја зафати парк-шумата Гази Баба.

На социјалните мрежи се проширија информации дека пожарот се приближува до куќите во блиската населба. Според објавите од граѓаните, пламенот се наоѓа многу блиску до населеното место.

Од Дирекцијата за заштита и спасување (ДЗС) информираат дека Противпожарната бригада била веднаш известена и дека се испратени пожарникари на терен.

Директорот на ДЗС, Стојанче Ангелов, потврди дека интервенцијата е во тек.

„Пожар во парк шумата Гази Баба, интервенираат скопските пожарникари“, напиша Ангелов.