Ровињ, еден од најпознатите туристички градови на хрватскиот Јадран, планира да воведе ограничувања за отворање нови апартмани, со цел да го намали притисокот од масовниот туризам врз старото градско јадро.

Според најавите, веќе од следната година би требало да се запре издавањето нови дозволи за апартмани во старата јадра на градот. Мерката е дел од Планот за управување со дестинацијата до 2029 година, кој во моментов е на јавна расправа.

Целта е да се намали притисокот врз локалното население и да се зачува нормалниот живот во градот, кој во текот на летото е преполн со туристи, а во зимските месеци во делови од старата јадра останува речиси празен.

Една од ретките жителки што живее во старата јадра во текот на целата година вели дека зиме живее во „град на духови“, додека летно време се наоѓа во самиот центар на хрватскиот туризам.

„Можеби во секоја десетта куќа живее некој што е тука во текот на целата година“, вели таа.

За проблемот со преголемиот број апартмани за Indeh.hr зборуваше и градоначалникот на Ровињ, Емил Нимчевиќ, кој најави двегодишен мораториум за нови дозволи за апартмани во старата јадра.

„Сакаме притисокот врз старата јадра да биде помал и нашето население да живее нормално“, изјави Нимчевиќ.

Ровињ со ова се приклучува на сè поголемиот број европски туристички градови што се обидуваат да најдат рамнотежа меѓу туризмот како економска сила и правото на локалните жители да останат да живеат во своите градови.