Русија и Соединетите Американски Држави би можеле повторно да го активираат проектот за изградба на подводен тунел кој би ја поврзал руската област Чукотка со Алјаска преку Беринговиот Теснец. Рускиот претседателски пратеник Кирил Дмитриев изјави дека двете земји ќе потпишат договор за продолжување на проектирањето на овој амбициозен инфраструктурен проект.

Беринговиот Теснец ги разделува Русија и Алјаска на растојание од околу 80 километри во најтесниот дел. Во средината се наоѓаат две мали острови, по едно под руска и американска контрола, што дополнително ја поттикнува идејата за директна копнена врска меѓу двата континента.

Дмитриев уште минатата година го претстави концептот наречен „Путин-Трамп тунел“. Според неговите проценки, изградбата би чинела повеќе од 65 милијарди долари со традиционални методи, додека со технологијата на The Boring Company трошоците би можеле значително да се намалат.

Тој истакна дека разговарал со американски претставници за можностите за економска соработка меѓу двете земји, но засега нема официјална потврда од Вашингтон за ваквите разговори.

Најавата за тунелот доаѓа во период кога Москва се обидува да ги зајакне економските односи со САД. Во меѓувреме, Володимир Зеленски изјави дека Русија на американската страна ѝ предложила пакет економска соработка вреден околу 12 милијарди долари.