Дехидрацијата не е проблем само во летните горештини, туку и последица на храната што секојдневно ја консумираме. Иако многумина сметаат дека кафето е главниот виновник за губење течности, истражување спроведено во 2026 година покажува дека одредени намирници имаат многу посилен дехидрирачки ефект.
Во текот на летото организмот губи повеќе течности преку потење, па правилната хидратација станува особено важна. Освен внесот на вода, значајна улога игра и изборот на храна. Намирниците богати со шеќер и сол можат да го зголемат чувството на жед и да придонесат за дехидрација.
На врвот на листата се наоѓаат крофните. Тие содржат голема количина шеќер и сол, а имаат многу мала содржина на вода. Поради тоа телото користи дополнителни течности за обработка на шеќерот, што може да доведе до чувство на замор и жед.
Веднаш зад нив се чоколадните брауни колачи. Високата концентрација на шеќер и ниската влажност ги прават една од намирниците кои најмногу ги трошат резервите на течности во организмот.
На третото место се пржените стапчиња од моцарела. Тие се богати со натриум, а прекумерниот внес на сол го принудува телото да користи повеќе вода за да го одржи балансот на течности.
Меѓу храната што може да предизвика дехидрација се и лук на лепчиња , кои често се консумираат со солени и кремасти јадења, како и пилешката кесадиља, чија комбинација од тортиља, сирење и зачинето месо содржи значителни количини натриум.
Во групата на намирници кои дополнително придонесуваат за губење течности се вбројуваат и пеперони пицата, буритото, хот-догот, пилешките крилца, помфритот и чипсот со сос од сирење.
Интересно е што кафето и чајот не се најдоа меѓу првите десет најдехидрирачки производи. Иако кофеинот има благо диуретично дејство, неговото влијание е значително помало во споредба со храната богата со шеќер и сол.
Експертите советуваат секој оброк што содржи вакви намирници да биде проследен со доволен внес на вода. На тој начин може да се намали ризикот од дехидрација и да се одржи нормалната функција на организмот, особено во топлите летни денови.
