Ако планирате летен одмор на остров, новото истражување на туристичката компанија Saga Holidays може да ви ја олесни одлуката. Анализата опфати 80 европски островски дестинации и ги рангираше според три клучни критериуми, клима, понуда на ресторани и кафулиња и застапеност на зелени површини.
Во конечниот пласман доминираат Шпанија и Хрватска, кои имаат девет од десетте најдобро рангирани острови.
Топ 10 европски острови за летување во 2026 година
- Тенерифе, Шпанија – 95/100
- Ла Палма, Шпанија – 94/100
- Мадеира, Португалија – 93/100
- Корчула, Хрватска – 92/100
- Мљет, Хрватска – 90/100
- Мајорка, Шпанија – 89/100
- Лошињ, Хрватска – 88/100
- Брач, Хрватска – 87/100
- Гран Канарија, Шпанија – 86/100
- Ла Гомера, Шпанија – 85/100
Тенерифе е број еден во Европа
Најголемиот остров од Канарските Острови го освои првото место благодарение на комбинацијата од сончево време, богата гастрономска понуда и импресивни природни пејзажи.
Веднаш зад него е Ла Палма, позната и како „La Isla Bonita“, која е прогласена за биосферен резерват на УНЕСКО поради зачуваната природа и одржливиот развој.
Третото место ѝ припадна на португалската Мадеира, позната по древната шума Лаурисилва, која исто така е под заштита на УНЕСКО.
Најсончевите острови
Кога станува збор за времето, Канарските Острови повторно се без конкуренција.
Најдобро рангирани се Тенерифе, Ла Гомера и Гран Канарија.
Истражувањето покажува дека токму Канарските Острови се најдобриот избор за туристите кои бараат сонце во текот на целата година.
Рај за љубителите на храната
Во категоријата гастрономија доминира Италија.
Трите најдобри острови за храна се: Капри, Сардинија и Санторини
Капри е особено пофален по локалните специјалитети како салатата „Капрезе“ и традиционалните равиоли „Капрезе“.
Најзелени европски острови
Љубителите на природата највисоко ги оценија: Мљет, Хрватска, Мадеира, Португалија и Корчула, Хрватска.
Мљет, често нарекуван „зелениот остров на Хрватска“, е препознаен како една од најдобро зачуваните природни дестинации на Јадранот.
Истражувањето ги вреднувало островите според три главни критериуми: зелените површини носеле 45 проценти од конечната оценка, временските услови 35 проценти, а гастрономската понуда 20 проценти.
