Финалниот викенд на тенискиот турнир Mavrovo Open 26 е одложен поради најавените врнежи од дожд и неповолните временски прилики. Организациониот одбор соопшти дека одлуката е донесена со цел да се заштити безбедноста на натпреварувачите и да се обезбедат соодветни услови за игра. Преостанатите полуфинални и финални средби, како и натпреварите од Семи-про категоријата во двојки, ќе се одиграат во дополнително одреден термин.

Неповолната временска прогноза за регионот наметна пауза на терените. Организаторите пресекоа дека ризикот од лизгави подлоги и прекини во играта директно влијае врз регуларноста на турнирот.

„Безбедноста на учесниците и условите за квалитетно одржување на натпреварите ни се приоритет, поради што донесовме одлука преостанатите натпревари да се одржат во дополнително утврден термин“, се наведува во официјалното соопштение на организацискиот тим.

Одложувањето ги опфаќа завршните фази од турнирот во сите конкуренции. Играчите и публиката во следниот период ќе добијат прецизен распоред за полуфиналињата, финалињата и дубл-програмата.

Турнирот продолжува веднаш штом се создадат соодветни временски услови на планината. Организаторите упатија благодарност до учесниците и спортската јавност за разбирањето и трпението.