Жичницата до Милениумскиот крст привремено ќе престане со работа од 21 до 24 април, поради техничка контрола што ќе ја спроведуваат експерти од австриската компанија „Doppelmayr“.
Во овој период нема да се врши превоз на патници, а од ЈСП Скопје информираат дека станува збор за редовна проверка на системот.
Жичницата повторно треба да биде пуштена во употреба од 25 април, кога ќе продолжи да сообраќа според вообичаениот распоред.
Од претпријатието им се заблагодарија на граѓаните за разбирањето.
