Делови од неколку скопски општини утре, 10 јуни, ќе останат без електрична енергија поради планирани технички зафати во електроенергетската мрежа, информира ЕВН.

Најдолгиот прекин е најавен во централното градско подрачје, каде корисниците ќе бидат без струја од 08:30 до 15:30 часот.

Прекин во Центар до 15:30 часот

Во Општина Центар без електрична енергија ќе бидат дел од корисниците на улицата „Наум Наумовски Борче“ и дел од улицата „Ленинова“, односно „Аминта Трети“.

Прекинот ќе го опфати реонот околу кафулето „Кала“, кафулето „Ателје“, „Адмирал“ и останатите објекти во тој дел од градот.

Исклучувањето е најавено од 08:30 до 15:30 часот.

Без струја и делови од Долно Соње

Планиран прекин ќе има и во Сопиште, поточно во дел од селото Долно Соње.

Без електрична енергија ќе бидат дел од корисниците на улиците 6, 8 и 12. Прекинот е најавен од 09:00 до 13:00 часот.

Исклучување и во реонот на Мирковци

Истиот ден без струја ќе останат и дел од корисниците во реонот на селото Мирковци, од Рибилимус кон Горно Оризари.

Прекинот таму е најавен од 09:00 до 15:00 часот.

Од ЕВН информираат дека снабдувањето со електрична енергија ќе биде нормализирано по завршување на планираните технички интервенции.