ово истражување на повеќе од еден милион изданија покажува дека употребата на вештачка интелигенција во музиката брзо расте.

Речиси 40 отсто од музиката објавена во јули во одредена мера била создадена со помош на вештачка интелигенција. Податоците отвораат нови прашања за транспарентноста и авторството во музичката индустрија.

Истражувањето го објави музичкиот сервис Сами́тХаб, чиј систем за детекција на вештачка интелигенција анализирал повеќе од еден милион музички изданија.

Според резултатите, 23,2 отсто од песните биле целосно генерирани со вештачка интелигенција, додека кај дополнителни 15,3 отсто биле забележани траги од звук создаден со оваа технологија, кој подоцна бил изменет или обработен од луѓе.

Од Сами́тХаб посочуваат дека транспарентноста станува сè поважна, бидејќи слушателите треба да знаат дали музиката што ја слушаат е создадена со помош на вештачка интелигенција.

Трендот веќе влијае и врз музичките платформи. Бендкемп и Битпорт воведоа построги правила за содржина создадена со вештачка интелигенција, додека Тидал најави дека нема да исплаќа авторски надоместоци за музика целосно генерирана од оваа технологија.

Во меѓувреме, Спотифај работи на систем за означување на содржината создадена со вештачка интелигенција, а Диѕер објави дека таквата музика веќе претставува повеќе од половина од дневните поставувања на платформата.