Градоначалникот на Москва, Сергеј Собјанин, соопшти дека кон градот се упатиле над 390 дронови, од кои 81 биле уништени пред да стигнат до градот. Рускoто Министерство за одбрана наведе дека во период од 13 часа, од понеделник навечер до утринава, биле неутрализирани 356 дронови над петнаесетина региони, вклучувајќи ја московската област.
Собјанин преку Telegram истакна дека поголемиот дел од дроновите биле неутрализирани многу пред да стигнат до градот. Гувернерот на Московска област, Андреј Воробјов, на истата платформа соопшти дека е оштетена една станбена зграда и повеќе куќи. За жртви засега нема податоци.
Russia’s largest Wildberries logistics centre, located in Kolyedino near Moscow, is reportedly on fire.
— Saint Javelin (@saintjavelin) July 28, 2026
According to Russian media, the blaze has spread across more than 250,000 square metres. The cause of the fire has not yet been officially confirmed. pic.twitter.com/Effbnl6Kg2
Рускoто Министерство за одбрана наведе дека во наведениот период биле неутрализирани 356 украински дронови над петнаесетина региони. Разликата во бројките не е појаснета, пренесува француската агенција АФП.
Украински медиуми, повикувајќи се на воени блогери, известуваат дека во нападите наводно била погодена фабриката Хидросталконструкција во Чехов, во Московска област. Порталот Kyiv Independent пишува дека е погодено и складиште во населба јужно од Москва, како и трафостаница во Феодосија, град на окупираниот Крим.
