Покрај ГЕНИТОР, меѓу победниците се и други иновативни решенија од регионот, како што се DARN од Косово – решение за ефикасно управување со отпад, KOMUNITETI од Албанија – платформа за управување со згради, и LISEC од Србија – алатка за комуникација за лица со заклучен синдром (LiS). Од Црна Гора се истакна MyTurn – апликација која на иновативен начин ги вклучува децата во домашните активности, додека Roadzo од Босна и Херцеговина понуди решение кое претвора сообраќајот на возила во електрична енергија.
Balkathon продолжува да биде клучна платформа за поддршка на дигиталните иновации, обезбедувајќи им на стартапите од регионот можност да ги претстават своите решенија пред пошироката јавност и потенцијални инвеститори.
