Идниот унгарски премиер Петер Маѓар, изјави дека е подготвен да разговара за случајот со запленетите средства на украинската “Ошчадбанк” откако и официјално ќе ја преземе функцијата. Според најавите, Маѓар се очекува да ја преземе премиерската должност по неговата заклетва во мај.
Маѓар нагласи дека клучните аспекти на случајот и натаму не се јасни и дека разговори за тоа би биле можни дури откако ќе положи заклетва за премиер. „Не знаеме што всушност се случило во случајот со обезбедувачите кои го превезувале парите, а и ние ги видовме пропагандните вести“, изјави тој.
Тој исто така повика на смиреност и воздржаност, како и на повторно отворање на нафтоводот „Дружба“, кој во моментов е важна точка на тензии меѓу Унгарија и Украина.
Украинскиот претседател Володимир Зеленски претходно изјави дека се надева оти за прашањето со запленетите средства на Ошчадбанк ќе може да разговара со Маѓар. Неколку медиуми пренесоа дека Киев очекува новото унгарско раководство да отвори простор за решавање на случајот.
