Поп-иконата е номинирана во повеќе категории, додека Свифт со девет номинации има шанса да го собори рекордот по бројот на освоени награди.

Номинациите за овогодишните MTV VMA награди се објавени, а на врвот се најде Мадона со 11 номинации. Церемонијата ќе се одржи на 27 септември во Лос Анџелес.

Мадона е номинирана за видео на годината со „Confessions II – The Film“, како и за изведувач на годината и песна на годината за „Bring Your Love“, која ја сними со Сабрина Карпентер. Нивната соработка е номинирана и во категоријата за најдобра соработка.

„Confessions II – The Film“ ѝ донесе номинации и за најдобра денс песна, режија, сценографија, кинематографија, монтажа, кореографија и визуелни ефекти.

Втора на листата е Тејлор Свифт со девет номинации, меѓу кои за изведувач и видео на годината. Таа има можност да стане најнаградуваниот изведувач во историјата на MTV VMA, доколку освои барем едно признание. Свифт моментално го дели рекордот со Бијонсе со по 30 освоени награди.

Меѓу номинираните за изведувач на годината се и Аријана Гранде, Бруно Марс и Сабрина Карпентер.