Под мотото „Читајќи, патувам“, во книжарниците „Три“ започнува Летниот фестивал на книгата, кој ја спојува љубовта кон читањето со летната авантура. Организаторите нудат нови наслови, неделни препораки и специјални понуди, но и нешто сосема ново – читателски пасош.

Идејата е едноставна: колку повеќе читаш, толку повеќе печати собираш. Секој нов „печатиран“ чекор во читањето носи мали подароци, како торбички со нов дизајн, книги и други изненадувања. Оние што ќе ги поминат сите девет читателски станици влегуваат во завршна наградна игра, каде може да освојат вредносни ваучери, бесплатни книги во текот на цела година или дури патување со избрана личност.

За да се започне оваа читателска авантура, доволно е посета на книжарница и купување во вредност од 500 денари, по што се добива читателскиот пасош. Во рамки на фестивалот се нудат и препораки за летно читање – од романтични и психолошки романи до популарни нови изданија. Меѓу нив се наоѓаат и наслови како новиот роман на Али Хејзелвуд, кој ги носи читателите на летна авантура покрај бреговите на Калифорнија, како и водичи за подобро разбирање на психологијата и меѓучовечките односи.