Beetle Club Macedonia овој викенд одбележува 16 години постоење со настан што ги собира љубителите на култниот автомобил Volkswagen Beetle од земјава и регионот. Денес се одржува централниот дел од програмата, односно изложбата на овие олдтајмер на Плоштад Македонија.
Настанот е отворен и за учесници и за посетители – сопствениците на „Буба“ ќе ги претстават своите возила, додека останатите ќе можат да уживаат во ретки модели, реставрирани примероци и уникатни верзии на автомобилот што со децении важи за симбол на автомобилската култура.
Организаторите уживаат во дружењето, дефиле низ градот и неформална програма што ја одбележува страста кон класичните автомобили. Настанот не е само изложба, туку и простор за заедницата што ја негува оваа култура преку која може љубителите да се поврзат, да разменат искуства и да ја продолжат традицијата.
