Истражувањата покажуваат поврзаност меѓу редовното пиење кафе со кофеин и помал ризик од меланом, но тоа не ја заменува заштитата од сонце.

Научните истражувања сè почесто ја разгледуваат поврзаноста меѓу исхраната и долгорочното здравје на кожата. Меѓу намирниците што привлекуваат внимание е и кафето, особено она со кофеин.

Голема студија во која биле следени повеќе од 447.000 луѓе во период од десет години покажала дека лицата кои пиеле четири или повеќе шолји кафе дневно имале околу 20 отсто помал ризик од развој на малиген меланом во споредба со оние кои не пиеле кафе. Поврзаноста била забележана кај кафе со кофеин, но не и кај кафе без кофеин.

Подоцнежни анализи на повеќе истражувања исто така укажале на можна поврзаност меѓу консумирањето кафе и намалениот ризик од меланом и други видови рак на кожата.

Научниците сметаат дека кофеинoт и други соединенија во кафето, како хлорогенската и кафеинската киселина, можат да имаат биолошки ефекти поврзани со оштетувањата предизвикани од УВ-зрачењето.

Сепак, експертите нагласуваат дека кафето не треба да се смета за заштита од сонце. Кремите со широк спектар на заштита, избегнувањето силно сонце, заштитната облека и редовните дерматолошки прегледи остануваат клучни за превенција од рак на кожата.